У Беларусь не пусцілі аўтобус з дзецьмі? Тлумачэнне памежнікаў 1

Дзяржаўны памежны камітэт Беларусі лічыць паведамленні некаторых інтэрнэт-рэсурсаў пра тое, што праз беларуска-ўкраінскую мяжу не быў прапушчаны аўтобус з дзецьмі, якія вярталіся з адпачынку [з Балгарыі], некарэктнымі,

заявіў прэс-сакратар беларускага памежнага ведамства Аляксандр Цішчанка.

Як растлумачыў прадстаўнік ДПК, мяжу перасякаў аўтобус Setra, зарэгістраваны ва Украіне.

Транспартны сродак з пасажырамі прайшоў памежны кантроль, але не быў прапушчаны транспартнай інспекцыяй, так як у кіроўцы не было неабходных дакументаў.

Ён забыўся іх у Чарнаўцах [абласны цэнтр на мяжы з Румыніяй — НН].

Было прапанавана размясціць дзяцей у пункце пропуску і прыгнаць іншы аўтобус.

Кіраўнік турыстычнай групы адмовіўся ад гэтага варыянту, і аўтобус паехаў назад за дакументамі ў Чарнаўцы.

Пасля аўтобус перасёк мяжу ў пункце пропуску «Макраны».

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ