Нацбанк Беларусі ўпэўнены ў выкананні прагнозу па павелічэнню золатавалютных рэзерваў у 2013 годзе,аб гэтым заявіла сёння старшыня праўлення Нацыянальнага банка Надзея Ермакова.
«Золатавалютныя рэзервы ў нас выкананы будуць», — сказала Надзея Ермакова. Пры гэтым яна падкрэсліла, што дзяржава своечасова разлічыцца па ўсіх даўгах.
Гаворачы аб магчымых крыніцах павелічэння ЗВР, кіраўнік Нацбанка растлумачыла, што частку рэзерваў банк захоўвае ў свабодна канверсоўнай валюце, а частку — у расійскіх рублях.У расійскіх рублях валюта захоўваецца ў банках Расіі, таму што там стаўка больш выгадная. «Па міжнародных стандартах гэтыя зберажэнні не ўлічваюцца, але іх у любы час можна праканверсаваць у долары, калі яны нам будуць неабходныя», — адзначыла яна.
Ёсць і іншыя крыніцы для выканання прагнозных паказчыкаў па ЗВР, падкрэсліла кіраўнік Нацбанка. Пры гэтым Надзея Ермакова звярнула ўвагу на неабходнасць зладжанай работы эканомікі.
Золатавалютныя рэзервы Беларусі ў адпаведнасці з метадалогіяй Міжнароднага валютнага фонду на 1 студзеня 2013 года складалі $8 млрд. 95 млн. у эквіваленце.Для забеспячэння эканамічнай бяспекі дзяржавы у 2013 годзе міжурадавыя рэзервовыя актывы запланавана нарасціць на $300–700 млн.
Паводле папярэдніх даных, на 1 чэрвеня 2013 года ЗВР па стандартах МВФ склалі $8 млрд. 41 млн. у эквіваленце, скараціўшыся за май на $229 млн. Адмоўны ўплыў на аб’ём золатавалютных рэзерваў аказала значнае зніжэнне цаны на золата на міжнародным рынку каштоўных металаў. Акрамя таго, Нацыянальным банкам і ўрадам Беларусі былі выкананы ў поўным аб’ёме знешнія і ўнутраныя абавязацельствы ў замежнай валюце. Падтрыманню ўзроўню золатавалютных рэзерваў садзейнічала размяшчэнне валютных аблігацый Міністэрства фінансаў Беларусі на ўнутраным рынку краіны, а таксама дадатнае сальда
