У Дзень Перамогі карэспандэнт БелаПАН выйшаў на вуліцы Гродна з не зусім святочным пытаннем: «Як вы лічыце, чаму пераможаныя немцы жывуць значна лепей, чым пераможцы?» Адказваюць жыхары горада:
«Таму што немцы ёсць немцы, а мы не немцы. Таму што славяне. Немцы ўзялі грошы, пазыку пасля вайны, а мы не ўзялі, Сталін не захацеў. Яны гэтыя грошы пусцілі ў ход, а мы не ведаю на што спадзяваліся, на авось».
«Таму што ўлада наша такая, я думаю. А калі падрабязна — гэта ўжо будзе палітыка, не дай Бог, я пажылы чалавек. Вельмі б хацелася сябраваць з Еўропай, Расія нам не памочнік, у яе самой праблемы вялікія».
«А калі жылі добра, нагадайце мне? Увогуле ў Расіі той жа? Беларусь заўсёды была пад кімсьці. Славяне таму што!».
«Перамог дэмакратычны свет у Другой сусветнай вайне, а не Савецкі Саюз. Мы хоць і былі сярод хаўруснікаў, якія перамаглі нацысцкую Германію, але ж мы былі, хутчэй, такім гарматным мясам для сапраўдных пераможцаў, для дэмакратычнага свабоднага свету».
«Ну, а чым яны лепей жывуць, чым мы? Што нам, няма чаго есці, у чым хадзіць? Нас
«Гледзячы па чым меркаваць: калі па фінансавым, па
«Можа быць, нам гэта і не трэба. Гасподзь нам не дае, не разбэшчвае. Бо нашы продкі заўжды жылі ў працы, цяжкай працай здабывалі свой хлеб».
«У немцаў свой шлях, параўноўваць вельмі цяжка, гэта штампы».
«Пытанне некарэктнае: чаму горш, адкуль такое меркаванне? Вы кажаце, што пераможцы жывуць горш за тых, хто прайграў? Я з вамі зусім нязгодны. Як можна параўноўваць лаўку і табурэт?»
