Расійскае Міністэрства абароны заявіла, што нібыта Украіна атакавала Маскоўскую вобласць 5 беспілотнікамі, але нібыта ўсіх іх збілі.
«Сёння раніцай спыненая спроба кіеўскага рэжыму ажыццявіць тэрарыстычную атаку пяццю беспілотнымі лятальнымі апаратамі па аб'ектах на тэрыторыі Маскоўскай вобласці і Новай Масквы».
Паведамляецца, што нібыта 4 «украінскія БПЛА» на тэрыторыі Новай Масквы знішчылі сродкамі СПА.
А яшчэ адзін БПЛА нібыта быў падаўлены сродкамі радыёэлектроннай барацьбы і пацярпеў крушэнне на тэрыторыі Адзінцоўскага раёна Маскоўскай вобласці.
У Мінабароны РФ запэўніваюць, што пацярпелых і разбурэнняў няма.
Аднак Shot паведамляў пра пажар у вёсцы Крывашэіна ў Новай Маскве ў выніку падзення беспілотніка.