Суд Мінскага раёна вырашыў, што блогер Нехта зганьбіў гонар і годнасць супрацоўніка АМАПа Аляксея Кавалёва. Гісторыя атрымалася звышабсурдная.
Перад прэзідэнцкімі выбарамі хтосьці вываліў у тэлеграм «кампрамат» на Валерыя Цапкалу — на роліку дрэннай якасці чалавек, падобны да палітыка, адпачывае ў кампаніі дзвюх прастытутак.
Блогер Нехта пайшоў у атаку ў адказ і заявіў, што на відэа не Цапкала, а «акцёр» — кіроўца АМАПа Алег Кляменцьеў. Праз некалькі дзён блогер прызнаўся, што зблытаў сілавікоў, і напісаў, што насамрэч на порнавідэа іншы амапавец, Аляксей Кавалёў.
Вось гэты Кавалёў і падаў у суд на блогера. Тэарэтычна ён павінен атрымаць 2500 рублёў. Аднак блогер Нехта жыве ў Варшаве і прынцыпова ігнаруе патрабаванні беларускіх судоў.
0
0
0
0
0
0
