У сталіцы неабходна больш узважана падыходзіць да арганізацыі бяспекі дарожнага руху, лічыць намеснік старшыні Мінгарвыканкама Аляксандр Дараховіч.
— Складваецца ўражанне, што стаіць задача запаланіць увесь горад «спячымі паліцэйскімі», завузіць, абгарадзіць. Гэта няправільны пасыл. Такія меры павінны прымацца толькі там, дзе яны сапраўды неабходныя, не трэба ператвараць праезную частку ў пральную дошку, — сказаў Аляксандр Дараховіч.
Ён таксама нагадаў, што на вуліцах, па якіх курсіруе грамадскі транспарт, выкарыстанне «спячых паліцэйскіх» наогул недапушчальна.
— Бяспецы дарожнага руху мы будзем надаваць самую пільную ўвагу, але прымаць рашэнні трэба з розумам, — дадаў намеснік старшыні Мінгарвыканкама.
0
0
0
0
0
0
