Майкл Джордан. Фота: Wikimedia Commons.
Галоўны трэнер «Мінска» Аляксей Сухавецкі, разважаючы пра лідараў каманды ў гэтым сезоне, паскардзіўся, што ў клубе няма такога ж яркага гульца, як легендарны Майкл Джордан.
«Наша каманда заўсёды павінна быць моцнай як каманда. У нас такіх яркіх выканаўцаў, як Майкл Джордан, няма. Мы яго ўвесь час чакаем, але пакуль ён не прыходзіць. У кожным разе мы павінны быць моцнымі як каманда: звышагрэсіўная абарона, добрая абарончая камунікацыя, каб прымусіць суперніка баяцца, і тады ў гэтай каманды з'явіцца шанец», — цытуе Сухавецкага «Трыбуна».
Без Майкла Джордана «Мінск» займае ўпэўненае апошняе месца ў расійскай Лізе ВТБ. Каманда за ўвесь сезон атрымала толькі адну перамогу, пацярпеўшы пры гэтым 37 паразаў.
Майкл Джордан — легенда амерыканскага і сусветнага баскетбола. Ён лічыцца адным з найлепшых баскетбалістаў у гісторыі. Джордан унёс значны ўклад у сусветную папулярызацыю баскетбола ў 1990-я гады.
Чытайце таксама:
Беларускі баскетбольны клуб толькі ў 35-м матчы здабыў першую перамогу
Бізнэсмен з-за мяжы паспрабаваў «купіць» дзяржаўны баскетбольны клуб. Вось што з гэтага выйшла
Красоўкі Майкла Джордана прадалі за рэкордныя восем мільёнаў даляраў
Леброн Джэймс пабіў рэкорд па колькасці згуляных хвілін у гісторыі НБА
