Фота ілюстрацыйнае
Абмежаванне закранае аўтамабілі BMW і канцэрну VAG, які выпускае маркі Volkswagen, Audi, Seat, Škoda ды іншыя. Уласнікі аўтамабіляў пералічаных марак мусяць падаць на мытні дакумент ад вытворцы, які пацвярджае права на экспарт машыны па-за межы Еўрасаюза.
У гэтым дакуменце мае быць пазначана, што вытворца ведае, хто прадае і хто купляе аўтамабіль, а ўгода не выклікае перасцярог датычна магчымага абыходу міжнародных санкцыяў. Акрамя таго, вытворца мусіць пацвердзіць, што ведае канчатковага ўласніка аўтамабіля і ўпэўнены, што машына будзе перамяшчацца транзітам праз тэрыторыю Беларусі ці Расіі ў трэцюю дзяржаву і падчас транзіту не будзе перапрададзеная.
Акрамя таго, уласнік аўтамабіля мусіць падпісаць заяву, што ведае пра адказнасць за фальшаванне такога дакумента.
Абвестка аб пропуску праз мяжу аўтамабіляў з аб’ёмам рухавікоў, большым за 1,9 літра.Фота: Граница Польша / Telegram
У канцы абвесткі пра новае абмежаванне даецца спасылка на санкцыйную пастанову Рады Еўрасаюза № 833/2014.
Чытайце таксама:
«Адразу нават не зразумелі, як усё кепска». Беларус расказаў, як перасякаў польскую мяжу
На хуткаснай трасе ў Польшчы беларус збіў мужчыну, які выйшаў на дарогу з-за фермерскага пратэсту
