Ілюстрацыйнае фота: Міністэрства абароны
Тэлеграм-канал, блізкі да сілавікоў, заклікае вайскоўцаў адсочваць, ці не здымаюць іх.
Канал пагражае тым, хто будзе здымаць тэхніку.
«Да каго не дойдзе — будзем размаўляць, як з праціўнікам. Хлопцы двойчы папярэджваць не будуць».
Канал звярнуўся да вайскоўцаў на вучэннях:
«Бачыце, што вас здымаюць? Сфатаграфуйце (зніміце на відэа) гэтага чалавека. Настойліва раім усталяваць у калоне хоць бы адзін відэарэгістратар і трымаць яго ўключаным на ўсім працягу маршу. Аналагічная просьба да супрацоўнікаў ВАІ».
Раней за здымкі вайсковай тэхнікі і перасылку гэтых фота і відэа незалежным тэлеграм-каналам асудзілі некалькіх чалавек. Напрыклад, былой настаўніцы з Хойнікаў Ірыне Абдукерынай далі 4 гады калоніі за відэа з калонай расійскай вайсковай тэхнікі, якое яна даслала ў «Беларускі Гаюн». Жыхара Баранавіч асудзілі да 2,5 года калоніі за фота і відэа вайсковай тэхнікі, якія ён даслаў у Nexta і якія так і не былі апублікаваны.
Чытайце таксама:
